كانت اللحظه الاخيره..

كانت اللحظه الاخيره..

واسكنت فينى.. العواصف

كنت احس الدنيا صفراء..

تنتحر فيها العواطف..

يعنى راحل؟

كان هذا.. كل سؤال يحتوينى

ويرتمى داخل دموعي..

وينصهر ابصمت.. فينى

يعنى راحل؟

عن حياتى..

عن عيونى..

وذكرياتى..

وتارك احساسي وحيد..

بين هم..

وبين دمعه..

بين صوره..

والف شمعه..

تحترق فينى.. حبيبي

واحترق فيها اكيد..

كانت اللحظه الاخيره

وكنت احس.. العتمه كون

وأغرقت.. في العتمه ديره

وفي الصدر انهارت الدمعة

مشعبه حيل... وكثيره

وين كلمة احبك؟

وين عهدك لي.. دايم انا قربك؟

تذكر العهد.. ولا ناسي

لا تعيشنى....

في متاهات ومآسي

كل ماذكرت الى مضي..

انتشى سرب الحمام

وفي شفاهي...

تذبل ازهار الكلام..

لو اقول.. انى احبك

وش يفيد ....

وانت راحل

ما حكيت.. للورد سيره

عن صباحات اللقاء..

كان ذا العصفور يصدح..

في السماء..

وكل ما قلت.. احبك

فك من شعري.. ظفيره

ايه كبرت على ..احبك

وكنت اشوف الكلمة.. اسطوره

وانا فيها اميره ..

ما كنت ادري..

انها قصه قصيره..

تنتهي.. لو قلت راحل

كنت اشوف...

ابقربك الاحلام تكمل..

وبهجة الدنيا.. بعينى تكون اجمل

كم سوالف عشق.. حكتها العين

في وسط الزحام..

بعدك انت ذكرياتى ...

مجرد انقاض وحطام ..

وكانت اللحظه الاخيره..

وضاقت الدنيا الكبيره..

وانتهينا ....

وافضلت في الصدر.. جمله

وكانت الجمله الاخيره..

ليتك.. يوم قلت راحل

رجعت انا.. طفله صغيره

still dont know who's it for, but if ur into it, email me about it..

next post is about love!